Dua e Rita, në mesin e 20 këngëtareve më të dëgjuara të shekullit 21 në Britani

Dua Lipa e Rita Ora janë në mesin e 20 këngëtareve femra më të dëgjuara të shekullit 21 në Britani të Madhe, sipas listës së përpiluar nga kompania e licencimit të muzikës, PPL.

Derisa Dua është renditur e 14-ta në këtë listë, Rita Ora është renditur e 19-ta.

Sipas listës, Dua ka lënë pas këngëtaret e mëdha si Christinas Aguilera, Ellie Goulding e Ariana Grande, ndërkaq Rita ka lënë pas vetëm Ariana Granden në top 20-shen.

PPL-i e ka ranguar këngëtaren amerikane Pink si më e dëgjuara ne shekullin 21, në Britani të Madhe.

Në rangimin e PPL-së, Madonna është radhitur e dyta, ndërkaq në vendin e tretë është Katy Perry. Rihanna është në vendin e katërt, ndërkaq Lady Gaga në vendin e pestë.

Grafiku i PPL-së shënon fillimin e festimeve përpara edicionit të katërt të Ditës Kombëtare të Albumit, që mbahet më 16 tetor.