Aktori, Chris Hemsworth, të enjten, është bërë me yll në bulevardin e famës në Hollywood.
Videoja e ceremonisë:
Në ceremoninë e pranimit të yllit që mban emrin e aktorit, e pranishme ishte edhe gruaja e tij, Elsa Pataky, dhe shokët e kolegët e tij të famshëm, përfshirë aktorin Robert Downey Jr..
Chris falënderoi gruan e tij duke thënë se e ka mbështetur përgjatë tërë karrierës.
“Dua t’i them faleminderit gruas time të bukur, e cila ka qenë pranë meje gjatë tërë karrierës time, duke më inkurajuar e duke më mbështetur. Dhe nuk mund të mos e cek se ajo ka anashkaluar ëndrrat e saj duke mbështetur ato të mijat, dhe po e cek prapë se të jam borxhli. Fakti është se çfarëdo që të bëj, çdo njëri nga këto momente, ngjarje speciale, asnjë nga to nuk është i rëndësishëm kur s’të kam pranë. Të dua”, ka thënë Chris gjatë fjalimit që mbajti në ceremoni.
Edhe
Chris Hemsworth nuk u jep rëndësi çmimeve “absurde” të Hollywoodit
Hemsworth dhe Pataky janë takuar dhe janë martuar në vitin 2010 dhe bashkë kanë 3 fëmijë.
Hemsworth njihet për rolet e tij në filmat e famshëm si "Avengers: Endgame", "Star Trek", "Thor: Ragnarok" dhe "The Cabin in the Woods".
