Dunia Sibomana-Rodriguez mezi i shpëtoi një sulmi të shimpanzeve kur ishte gjashtëvjeçar. Tani 18-vjeçari po konsiderohet prej mundësve më të mirë të shkollave të mesme në SHBA, shkruan mediumi zviceran “20 Minuten”.
“Isha me familjen time dhe shimpanzetë u shfaqën papritur. Çdo gjë ndodhi shumë shpejt”, ka thënë Dunia Sibomana-Rodriguez për “New York Post”. Ai ka përshkruar momentin që ia ndryshoi jetën përgjithmonë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIshte sulmuar nga një grup shimpanzeshë derisa po luante në “Virunga National Park” në Kongo.
Sulmi i majmunëve të mëdhenj ndodhi në vendin e lindjes së djaloshit, jeta e të cilit ndryshoi më pas. Shtazët mbytën vëllain e tij katërvjeçar dhe një fëmijë tjetër, të afërm të Dunias.
Sibomana-Rodriguez mbeti me lëndime të shumta në fytyrë. Fytyra e tij tregon një histori që ai mezi e kupton.
“Kur pashë fytyrën time në pasqyrë për herë të parë, u shokova”, kujton ai.
“Deri më tani i kam pasur 16 operacione”, tregon djaloshi, fytyra e të cilit u dëmtua rëndë gjatë sulmit. Dëmtimi në gojën e tij është ende shumë i dukshëm dhe për këtë arsye ai flet me vështirësi.
Pos lëndime në fytyrë, shimpanzetë i kafshuan edhe gishtin e mesëm të majtë dhe një pjesë të veshit të djathtë. I shktarërruan një pjesë të parakrahut të majtë dhe i lanë shenja të tjera në trup.
Operacionet e shumta u bënë të mundura falë financimit nga një organizatë jofitimprurëse në SHBA.
Në SHBA, Sibomana-Rodriguez jetoi me tri familje të ndryshme pritëse, pasi prindërit e tij vdiqën në moshë të re. Në Kongo ai u dërgua në rrugë për të kërkuar para, kurse fillimi në SHBA po ashtu nuk ishte i lehtë. Ai është ngacmuar për shkak të pamjes.
“Jam ngacmuar dhe thjesht jam trajtuar keq”, thotë djaloshi.
Situata u përmirësua kur ai gjeti strehim te familja e Miguel Rodriguez në Long Island të New Yorkut.
Mundësi i apasionuar e adoptoi dhe e prezantoi me sportin.
“Ndonëse nuk kam ditur shumë për të, mundja ishte saktësisht për mua”, thotë mundësi me trup të ndërtuar mirë. Ai u përfshi plotësisht në sportin e Miguel Rodriguezit, që e mori nën kujdes. Në Nassau County i fitoi pesë tituj. I kishte tre tituj shtetërorë dhe të arritura të tjera.
Sibomana-Rodriguez ëndërron që një ditë të garoi në Lojëra Olimpike. Ai po ashtu ka synime të mëdha sa i takon shkollimit. Ai planifikon të punojë në financa pasi të përfundojë shkollën e mesme.