Posta e Kosovës, përmes filatelisë së saj, ka lëshuar sot në qarkullim emisionin e ri të pullave postare me titull “Distria Krasniqi”.
Sipas njoftimit kjo është bërë për të nderuar një nga sportistet më të mëdha të vendit.
“Ky emision i veçantë filatelik i kushtohet kampiones botërore dhe olimpike në xhudo, Distria Krasniqi, e cila është shpallur xhudistja më e mirë në botë për vitin 2025, në të gjitha kategoritë”, thuhet në njoftim.
Pamjet e pullës dhe informatat për këtë emision thuhet se janë siguruar në bashkëpunim me Federatën e Xhudos në Kosovë.
“Përmes këtij emisioni, Posta e Kosovës nderon një histori suksesi dhe frymëzimi, duke e shndërruar imazhin e Distrias në një simbol që do të udhëtojë përtej kufijve, si ambasadore e vlerave tona kombëtare”, thuhet në njoftim.
