Gruaja është kryefjalë e secilës vepër arti.
Tridhjetegjashtë veprat e Mimoza Studenicës, të përmbledhura në ekspozitën “Gruaja”, janë realizuar në mënyrë unike.
Artistja dallohet me teknikën e veçantë të punës, filigran në letër, dhe secila vepër i ka marrë më shumë se një muaj kohë për finalizim, raporton “Express” i KTV-së.
Portrete reale dhe imagjinare shumëngjyrëshe, të formësuara nga letra, e përbëjnë ekspozitën e dytë personale të artistes.
Nga audienca, artistja u vlerësua sidomos për teknikën e veçantë, me të cilën i ka realizuar veprat.
Ekspozita “Gruaja” do të jetë e hapur për një muaj në “Shtëpinë e Evropës” dhe veprat e artit janë në shitje.
Artikuj të ngjashëm
