-
Nga:
Gili Hoxhaj
- 16 korrik 2020 01:03
- Shpërndaje në:
Që nga data 16 qershor, punime të shumta kanë qëndruar të ekspozuara në Galerinë e Ministrisë “Qafa”.
Ekspozita “Selfie Mundi” e artistes së re Engji Jaha është mbyllur para afatit për të kaluar rrugëtimin si ekspozitë virtuale.
Për galerinë mbetet e rëndësishme përshtatja me situatën e krijuar dhe promovimi i artistëve që këtë vit artin e tyre do ta shpalosnin në hapësirën e këtij institucioni.
Artistja Engji Jaha, përmes artit të saj, shfaq dy anët e personalitetit të saj.
Përmes punës me autoportrete shtjellon rrëfime nga jeta e saj.
Hapja e kësaj ekspozite kishte bërë që muret e galerisë të mbuloheshin me art pas më shumë se tre muajve që nga mbyllja e parë e saj, për shkak të masave parandaluese kundër koronavirusit.
Së fundi, meqë numri i të prekurve është rritur ndjeshëm, Qeveria sërish ka rikthyer masën që institucionet e kulturës si muzetë dhe galeritë ta pezullojnë punën.
