Këndet e leximit në institucione arsimore, konsiderohen se shërbejnë për t’i relaksuar nxënësit para se të fillojnë procesin mësimor.
Nëpërmjet projekt “Jetëso idenë”, tashmë nxënësit e shkollës së mesme të muzikës “Çesk Zadeja” në Ferizaj, do të kenë mundësi të shfletojnë librat e renditura në këtë kënd.
Libri “Harmonia”, i shkruar nga Kujtim Nushi për shkolla të mesme profesionale të muzikës dhe “Teoria themelore e muzikës” nga po i njëjti autor, janë pjesë e literaturës që ua mundëson nxënësve t’i shtojnë njohuritë e tyre në lëmin e muzikës.
Mësimdhënësja e solo-këndimit, Melihate Kelmendi, thotë se ky kënd është shumë i rëndësishëm për nxënësit e artit dhe muzikës, raporton “Express” i KTV-së.
Nxënëset Blinë Musliu dhe Arlinda Sejdiu e kanë mirëpritur këtë iniciativë dhe thonë se kohën e lirë do ta kalojnë duke shfletuar librat e vendosura në këto rafte.
Në kuadër të projektit “Jetëso idenë”, shkolla fillore “Ganimete Tërbeshi”, dhe Gjimnazi “Kuvendi i Arbrit” në Ferizaj, është pajisur me instrumente muzikore.
Edhe
“BRICK” vazhdon kontributin për nxënësit e Kaçanikut, kënd leximi në Shtëpinë e Kulturës
Nga një kitarë, piano, violinë dhe harmonikë janë vendosur në këto institucione mësimore, për t’ua mundësuar nxënësve ta zhvillojnë talentin në muzikë.
Projekti “Jetëso idenë”, është pjesë e programit “Brick”, dhe implementohet nga organizata CDF në bashkëpunim me “Integran”.
