Rreze Duli është drejtoreshë e Agjencisë për Zhvillim Rajonal Veri, ndërsa karrierën e saj e ka filluar në vitet ‘90 si aktiviste në shoqatën “Nëna Terezë”, shkruan sot “Koha Ditore”.
Pastaj ka vazhduar punën në organizata ndërkombëtare që nga viti 1994: Mercy Corps International, UNICEF, European Stability Initiative, Iniciativën Kosovare për Stabilitet, ATRC, UNDP dhe tani në AZHR Veri.
Duli është personazhi i kësaj jave që rrëfehet në rubrikën e përjavshme “7 Shkronjat” në “E diela e Koha Ditore”.
Lufta – Unë, motrat e mia, Argjentina e Florina, dhe vëllai im Fanoli jemi rritur me këngët protestuese që thërrisnin njerëzit me pushtet të pushonin së luftuari dhe të ndërtonin një botë ku mbizotëronin paqja e barazia mes popujsh.
Jam rritur me ndjenjën e përgjegjësisë për paqen dhe me idenë se lufta ishte gjë e tejkaluar me gjeneratat e shkuara.
Vrasja e John Lennon dhe reagimi i popujve të ish- Jugosllavisë ndaj protestave tona paqësore të ‘81-shit, ishin fillimi i thyerjes së shumë nga iluzionet,të cilat përfundimisht u shuan me luftërat ballkanike në vijim.
(Artikullin e plotë mund ta lexoni sot në “E Diela me Koha Ditore”)
