Prishtinë 25 tetor − Bienalja ndërkombëtare e artit bashkëkohor “Autostrada Biennale” ka emëruar kuratorin e edicionit të dytë që do të mbahet vitin e ardhshëm.
Giacinto Di Pietrantonio nga Milano do të jetë kuratori i edicionit, që fillon në korrik e zgjat deri në shtator të 2019-s në Prizren. Di Pietrantonio është profesor i historisë së artit në Akademinë e Breras në Milano dhe kurator i rezidencave artistike si “BoCs Art”, shkruan sot Koha Ditore.
Prej vitit 2000 deri në vitin 2017 ai ishte drejtor i Galerisë së Artit Modern dhe Bashkëkohor të Bergamos, në të cilën ai tani mban pozitën e këshilltarit. Di Pietrantonio ishte kryeredaktor dhe zëvendësdrejtor i “Flash Art Italia” nga 1986 në 1992 dhe nga 1994 deri në 1996 ishte këshilltar për artin vizual të rajonit, Abruzzo./Sh.M
(Më gjerësisht lexoni në Koha Ditore)
-
Kuratori italian prezanton detaje rreth festivalit “Autostrada Biennale”
-
Kuratorja e stafi në dialog me Prizrenin për edicionin e ri të “Autostrada Biennale”
-
Lucia Pietroiusti, kuratore e “Autostrada Biennales” me fokus në ekologji
-
Erzen Shkololli, kurator i edicionit të pestë të “Autostrada Biennales”
-
“Autostrada Biennale” me program për të rinjtë