Një person është therur me thikë në Mitrovicë të Veriut të dielën.
Sipas raportit 24-orësh të Policisë së Kosovës, rasti ka ndodhur pas një zënke verbale, ndërkaq i dyshuari ndodhet ende në arrati.
“Viktima për tretman mjekësor është dërguar në spitalin rajonal Mitrovicë Veri. Njësitë relevante policore kanë dalë në vendin e ngjarjes, me ç ‘rast kanë gjetur dhe sekuestruar një revole dhe një granatë dore”, thuhet në njoftim.
Bëhet e ditur se përveç njësive policore në vendin e ngjarjes ka dalë edhe prokurori i cili e ka cilësuar rastin dhe vazhdon të hetohet.
“Vrasje e rëndë në tentativë & armëmbajtje pa leje. Mitrovicë Veri 05.11.2023 – 22:25 Është raportuar se pas një zënke verbale viktima mashkull kosovar ishte sulmuar dhe therë me thikë nga i dyshuari mashkull kosovar, i cili pasi e ka kryer veprën është larguar nga vendi i ngjarjes dhe ndodhet në arrati. Viktima për tretman mjekësor është dërguar në spitalin rajonal Mitrovicë Veri. Njësitë relevante policore kanë dalë në vendin e ngjarjes, me ç’rast kanë gjetur dhe sekuestruar një revole dhe një granatë dore. Përveç njësive policore në vendin e ngjarjes ka dalë edhe prokurori i cili e ka cilësuar rastin dhe vazhdon të hetohet”, thuhet në njoftimin e plotë policor.
-
Theret me thikë një person në Mitrovicë, arrestohet i dyshuari
-
Theri me thikë një person, Policia gjen armë e granata në shtëpinë e serbit në veri të Mitrovicës
-
Theret me thikë një person në Mitrovicë
-
Dyshohet se tre persona në Mitrovicë të Veriut deklaruan rrejshëm për një tentim-vrasje të 2013-ës
-
Vdekje e dyshimtë në Mitrovicë