Një ngjarje e rëndë është raportuar mbrëmjen e së martës në rrugën “Nëna Terezë” në Fushë-Kosovë, ku një person ka mbetur i lënduar rëndë pas një sulmi me thikë.
Sipas Policisë, viktima – një mashkull kosovar – është goditur me thikë nga një person i dyshuar, po ashtu mashkull kosovar, i cili pas kryerjes së veprës është larguar nga vendi i ngjarjes.
Viktima është transportuar menjëherë në Qendrën Klinike Universitare të Kosovës (QKUK), ku po vazhdon trajtimin mjekësor nën mbikëqyrjen e policisë.
I dyshuari aktualisht është në kërkim nga organet e rendit, ndërsa me vendim të prokurorit, rasti është iniciuar si “vrasje në tentativë” dhe mbetet nën hetim.
