Vdiq pasagjerja nga aksidenti në Bresalc

Një 46-vjeçare ka vdekur nga aksident që ndodhi pasditen e së enjtes në fshatin Bresalc të Gjilanin.

Policia e Kosovës i ka thënë KOHËS se vdekja e pasagjeres është konstatuar në Qendrën Emergjente të Gjilanit, derisa dy persona të tjerë kanë marrë trajtim mjekësor për shkak të lëndimeve.

Trupi i pajetë është dërguar në obduksion me vendim të prokurorit, e hetuesit policorë të aksidenteve po i hetojnë rrethanat e këtij aksidenti.

“Ju njoftojmë se në aksidentin e trafiku mes tri automjeteve, që ka ndodh me datë 31.10.2024 rreth orës 15;00h ,ku si pasojë e këtij aksidenti kanë qenë të lënduar tre persona. Ata janë dërguar me urgjencë në qendrën emergjente në Gjilan për ndihmë mjekësore. Pasagjerja, shtetase e Kosovës (1978), si pasojë e lëndimeve të marra në aksident ka ndërruar jetë ku vdekjen e saj e kanë konstatuar mjekët në QE-Gjilan. Me vendim të prokurorit të shtetit trupi i pa jetë i viktimës dërgohet në obduksion”, ka konfirmuar për KOHËN zëdhënësi i Policisë për rajonin e Gjilanit, Ismet Hashani.