Tetë raste të dhunës në familje janë regjistruar në raportin 24-orësh të Policisë së Kosovës.
Sipas njoftimit nga Policia, në një rast në Prishtinë një grua ka raportuar se pas një mosmarrëveshje në shtëpi ishte sulmuar fizikisht nga bashkëshorti i saj dhe vjehrra e saj. Ndërkaq si pasoj viktima ka pranuar tretman mjekësor dhe pas intervistimit me tre fëmijët e saj për shkaqe sigurie me pëlqimin e saj është dërguar në strehimore. I dyshuari pas intervistimit me vendim të prokurorit është dërguar në mbajtje, kurse e dyshuara nëna e tij është liruar në procedurë të rregullt.
Në një rast tjetër në Prishtinë është arrestuar i dyshuari se e kishte fyer dhe më pas kanosur ish-bashkëshorten e tij viktimën femër kosovare. I njëjti pas intervistimit me vendim të prokurorit është dërguar në mbajtje.
Edhe në Podujevë një grua ka raportuar se është sulmuar fizikisht nga bashkëshorti i saj. Viktima ka pranuar tretman mjekësor, ndërsa i dyshuari është shoqëruar në stacion dhe pas intervistimit është liruar në procedurë të rregullt.
E në Fushë Kosovë është arrestuar një burrë pasi që i njëjti pas një mosmarrëveshje kishte sulmuar fizikisht babanë dhe vëllain e tij viktimat. I dyshuari është arrestuar pas intervisitimit.
Në Suharekë janë regjistruar dy raste të dhunës. Në njërin rast gruaja ka raportuar se është kanosur nga bashkëshorti i saj. I dyshuari është arrestuar dhe pas intervistimit me vendim të prokurorit është dërguar në mbajtje. ndërkaq në rastin e dytë, një grua ka raportuar se bashkëshorti i saj me të cilin është ndarë, përmes telefonit i dërgon mesazhe kërcënuese. I njëjti është arrestuar.
Edhe
Gjashtë raste të dhunës në familje në 24 orët e fundit, pesë të arrestuar
Në Prizren për dhunë në familje është arrestuar një burrë që ka ushtruar dhunë fizike ndaj bashkëshortes së tij, i njëjti është arrestuar.
Ndërkaq në Vushtrri, është arrestuar një person që pas një mosmarrëveshje ka sulmuar fizikisht nënën e tij. Si pasojë e sulmit viktima ka pranuar tretman mjekësor, kurse i dyshuari pas intervistimit në konsultim me prokurorin është liruar në procedurë të rregullt.
