Dy persona janë plagosur të dielën në lagjen Suteskë, të fshatit Mramor të Prishtinës, ka njoftuar Policia e Kosovës.
Zëdhënësi i Policisë për rajonin e Prishtinës, Agron Borovci, i tha KOHËS se informata për plagosje është marrë në orën 15:30, derisa dy të plagosurit janë dërguar në QKUK për trajtim.
“Policia ka dalë në vendin e ngjarjes dhe mbështetur në të dhënat e para, janë ngritur dyshimet se dy persona, kanë marrë plagë nga arma zjarrit. Të njëjtit janë dërguar në QKUK për të marrë trajtimin e nevojshëm mjekësor. Aktualisht hetuesit policor kanë nisur një hetim për sqarimin e të gjitha rrethanave që karakterizojnë rastin”, thuhet në njoftimin policor.
