Një zyrtar i Shërbimit Korrektues të Kosovës, me inicialet K.R., është pezulluar nga puna të martën.
Pezullimi i tij ka ndodhur për shkak se dyshohet që gjatë kryerjes së detyrës zyrtare ka keqpërdorur pozitën, duke lejuar kontrabandën brenda Qendrës së Paraburgimit në Gjilan.
“Vendimi për pezullim është marrë nga Komisioni Disiplinor i SHKK-së, dhe menjëherë janë njoftuar organet kompetente, të cilat po merren e rastin”, ka thënë për KOHËN zëdhënësi i SHKK-së, Florent Gashi.
Masa e pezullimit mbetet në fuqi deri në një vendim tjetër.
“Shërbimi Korrektues i Kosovës mbetet i përkushtuar në luftimin e këtyre dukurive negative dhe do të ndërmarrë të gjitha veprimet ligjore ndaj secilit individ, i cili është i përfshirë në veprime të tilla, pavarësisht rolit dhe funksionit që ka”, ka njoftuar tutje Gashi.
-
Arrestohet zyrtari korrektues, tentoi të fuste drogë në Dubravë
-
Pezullohet nga puna zyrtari i Shërbimit Korrektues, dyshohet se mori ryshfet
-
Kërkohet një muaj paraburgim për zyrtarin e SHKK-së
-
Pezullohet zyrtari i SHKK-së, dyshohet se pranoi ryshfet
-
Parandalohet futja e dy telefonave kontrabandë në Dubravë