Policia e Kosovës ka njoftuar se të mërkurën para mesnatës në pikën kufitare në Bërnjak kanë ndaluar një shtetas të Serbisë, në veturën e të cilët thuhet se është gjetur një vilë e strukturave paralele serbe.
I dyshuari thuhet se pas intervitimit është liruar në procedurë të rregullt, ndërsa vula është sekuestruar.
Rasti është cilësuar si “Prodhim dhe përdorim i shenjave të etiketimit, masave dhe peshave të rreme”
“Njësitet policore gjatë kontrollit në veturën me targa të Serbisë të cilën e drejtonte i dyshuari shtetas i Serbisë, kanë gjetur dhe konfiskuar një vulë të strukturave paralele në gjuhën serbe. Në konsultim me prokurorin, i dyshuari pas intervistimit është liruar në procedurë të rregullt”, thuhet në raportin 24-orësh të Policisë.
Rasti thuhet se është duke u hetuar nga ekipet relevante policore.