Drejtonte veturën nën ndikim të alkoolit, i merret patentë shoferi për një vit

Policia e Kosovës ka njoftuar se në pikën e kontrollit në fshatin Novosellë të Komunës së Kamenicës, ka hasur një kundërvajtës, i cili ka qenë duke e drejtuar mjetin e tij në gjendje të dehur. Atij i është marr patentë shoferi për një vit si dhe është dënuar me 500 euro gjobë.

“Në këtë pikë të kontrollit ka hasur në një kundërvajtës, shtetas i Kosovës i cili drejtonte mjetin e tij me tabela vendore. Gjatë kontrollit të dokumenteve është dyshuar se vozitësi mundë të jetë nën ndikim të alkoolit. Pasi i është bërë alkool-testi është vërtetuar se ishte nën ndikim të alkoolit, 1.78 promila. Nga ana e Policisë ndaj vozitësit është shqiptuar gjoba 500 euro, tri pikë negative dhe ndalesa për 1 vit për drejtimin e mjetit”, thuhet në njoftim.

Policia u ka bërë thirrje vozitësve që t’i respektojnë normat dhe ligjet e trafikut rrugor.