Bosi shqiptar i drogës arratiset për të katërtën herë nga burgu

Një bos droge shqiptar është arratisur nga burgu për të katërtën herë duke përdorur një copë metali dhe disa çarçafë.

Taulant Toma është quajtur “magjistari i arratisjeve” nga mediat italiane pasi u zbulua se ishte arratisur nga burgu në Milano mëngjesin e së dielës.

40-vjeçari raportohet se ka përdorur një limë metali për të prerë hekurat e dritares në qelinë e tij dhe më pas ka zbritur me çarçafët që i ka lidhur me njëri-tjetrin.

I dënuar për disa vepra, nga ato për drogë dhe trafikim armësh te sulmet e grabitjet e dhunshme, ai supozohej të mbahej në burgim deri më 2048.

Është hera e katërt që Toma arratiset nga burgjet në Itali dhe Belgjikë.

Edhe Arbëri 11 nën 2025 Trafikanti shqiptar në arrati prej më shumë se një viti pasi u lirua gabimisht nga burgu në Britani

Më 2009 ai ishte arratisur nga burgu i Ternit në Itali. Më pas u kap po atë vit afër Milanos. Më 2013 u arratis sërish nga një burg në Parma dhe të njëjtin vit u kap në Belgjikë dhe u burgos atje. Por, ai menaxhoi të arratisej edhe nga aty.

Toma ishte në arrati për dy vjet deri kur u kap më 2015. U ekstradua në Itali dhe u dërgua në burgun e Milanos.