Policia dhe Dogana e Kosovës të martën ka realizuar bastisje në disa barnatore në komunën e Leposaviqit lidhur me dyshimet për kontrabandë me barna, ndërsa u ka dhënë një muaj kohë barnatoreve që të sigurojnë leje pune.
Siç raporton “Kossev”, autoritetet e Kosovës kanë sekuestruar produkte farmaceutike nga tre barnatore dhe një pikë derivatesh.
Të tre barnatoret e kontrolluara ishin si biznese të regjistruara, por pa leje pune.
Zëvendësdrejtori i Policisë së Kosovës për veriun, Veton Elshani, ka thënë se barnatoret nuk janë mbyllur.
“Sot, inspektorët u dhanë atyre një muaj kohë për të marrë lejen e punës për të vazhduar punën”, ka thënë Elshani.
Malli i sekuestruar ka qenë pa dokumentacion të origjinës.
Edhe
Dogana e AKI-ja me operacion të përbashkët në Pejë e Gjakovë kundër kontrabandës me barna
Në një pikë derivatesh gjithashtu u konfiskuan produkte farmaceutike, për të cilat Elshani ka thënë se nuk mund të shiteshin në një vend të tillë.
Në pikën e derivateve u sekuestruan edhe pije alkoolike, cigare, si dhe mallra të tjera, të cilat Dogana i ka konstatuar si të padeklaruara.
Aksioni i autoriteteve të Kosovës ka nxitur reagim nga e ashtuquajtura Zyra për Kosovën në Serbi, e cila ka thënë se synimi i vetëm i Kosovës është që t’i lë banorët e veriut pa barna.
-
Në një barnatore në Pejë zbulohet një bunker ku mbaheshin barna të kontrabanduara
-
Aksion kundër kontrabandës në rajonin e Leposaviqit, gjendet një sasi mallrash
-
Zbulohet bunkeri brenda një barnatoreje në Ferizaj, gjenden afro 1200 paketime të barnave pa banderola
-
Në Mitrovicë të Veriut gjenden barna të paautorizuara për tregun vendas