Stacioni policor në Kaçanik me datën 06.08.2021, rreth orës 10:30 ka pranuar një informacion se një person me inicialet V.G. i moshës 29 vjeçare, pas një mosmarrëveshje që kishte me personin tjetër, me inicialet N.R. i moshës 37 vjeçare, këtij të fundit i shkakton lëndime trupore.
‘’Në lidhje me këtë policia, të dyshuarin e shoqëron në stacionin policor në Kaçanik dhe pasi intervistohet, me vendim të Prokurorit të Prokurorisë Themelore në Ferizaj , i njëjti dërgohet në mbajtje për 48 orë , ndërkaq rasti mbetet për procedurë të mëtejmë hetimore. Policia, pas një pune hetimore dhe grumbullimit të disa informacioneve për të dyshuarin, se posedon edhe armë ilegale në shtëpi, me vendim të Gjykatës Themelore në Ferizaj, rreth orës 17:40, i bastiset shtëpia e të dyshuarit V.G, ku janë gjetur dhe konfiskuar 3 armë zjarri: një pushkë gjysmë automatike me një karikatorë dhe 23 fishek , një pushkë gjuetie me 5 fishek dhe një pistoletë me një karikatorë dhe 7 fishek’’, thuhet në njoftim.
Ky rast, mbetet për trajnim të mëtejmë hetimor nga Sektori i Njësisë së Hetimeve nga stacioni policor në Kaçanik.
