Prokuroria Themelore në Prishtinë në bashkëpunim me Krimet Ekonomike të Policisë së Kosovës ka arrestuar një inspektor të Inspektoratit të Punës të mërkurën.
Kryeprokurori i Prokurorisë Themelore në Prishtinë, Zejnullah Gashi, ka konfirmuar për “Betimin për Drejtësi” se i arrestuari G.B., dyshohet për kryerjen e veprës penale “Marrje ryshfeti”.
Arrestimi i tij është bërë pas zhvillimit të masës së fshehtë, asaj të simulimit, duke u zënë në flagrancë.
Inspektori dyshohet se paratë i ka pranuar nga biznesi për ta amnistuar për shkak se nga inspektimi i të njëjtit ka rezultuar se disa punëtorë nuk i kishte deklaruar.