Emrat e shqiptarëve që policia britanike në verilindje të Anglisë kërkon të hetojë janë Qazim Marku 23 vjeç dhe Eugert Merizaj 28.
Sipas BBC-së policia i kërkon ata në lidhje me vdekjen e Hemwand Ali Hussain, 30-vjeçarit që ka shërbyer si snajperist në ushtrinë kurde, në luftën kundër Shtetit Islamik.
Kryeinspektorja detektive Sarah Robinson i bën apel, përmes medias britanike, opionionit që të ndihmojë me informacione për lokalizimin e këtyre dy personave në kërkim, me paralajmërimin për të mos iu afruar atyre.
Ndërkohë katër persona të tjerë janë paditur për vdekjen e snajperistit kurd, tre prej të cilëve shqiptarë, nga emrat, të cilët i kanë mohuar akuzat për vrasje.
Ndërkohë që Policia e Clevelandit ka publikuar edhe fotografitë e dy personave të tjerë për identifikimin e tyre. Viktima, babai i dy fëmijëve, ka shërbyer me forcat ushtarake Peshemerga të koalicionit anti-ISIS në Irakun e Veriut dhe njihej si një snajperist i zoti.
Procesi gjyqësor ndaj të pandehurve për vdekjen e ish-snajperistit kurd, pritet të fillojë me 25 shkurt, dhe ende nuk dihen motivet e kësaj vdekjeje.
-
Britania akuzon dy burra për ndihmë ndaj Iranit në incidentin e RAF Fairford
-
Britania arreston katër persona, dyshohen se ndihmonin shërbimin sekret të Iranit
-
Rrjeti kriminal që lejon emigrantët në Britani të punojnë ilegalisht
-
Policia britanike mund ta ketë vrarë gabimisht njërën viktimë gjatë sulmit në sinagogë
-
Arrestohen tetë të dyshuar për terrorizëm në Angli