Mbështete KOHËN. Ruaje të vërtetën
Arbëri

Një person lëndohet nga erërat e forta në Ferizaj

Ferizaj

Foto: Ferizaj Info

Një person është lënduar nga erërat e forta në Ferizaj të enjten, ka njoftuar Policia e Kosovës. 

Ajo u ka bërë thirrje qytetarëve për kujdes të shtuar. 

“Erërat e fuqishme që kanë përfshirë mbrëmjen e sotme territorin e Ferizajt, përfshirë edhe rrugët magjistrale, kanë shkaktuar dëme materiale në biznese, ndërtesa publike dhe  automjete. Po ashtu, është raportuar për një person të lënduar në Ferizaj. Policia Rajonale e Ferizajt apelon te të gjithë qytetarët që të shmangin daljet dhe lëvizjet e panevojshme, për të parandaluar rreziqet e mundshme nga kjo situatë”, ka njoftuar Policia. “Ekipet policore, në bashkëpunim edhe me komunën e Ferizajt, me ekipet emergjente, janë në terren dhe po intervenojnë në rrugë dhe hapësira publike, ku erërat kanë shkaktuar dëme dhe pengesa në qarkullim. Gjithashtu, po trajtohen edhe raportimet e qytetarëve”. 

KEDS-i ka njoftuar se me kërkesë të Policisë është ndalur rryma në Ferizaj, pas avarive të shumta që u shkaktuan në rrjetin energjetik. 
 

Lexo përditësimet tjera
1

Erërat e fuqishme shkaktojnë dëme në disa rajone, Ferizaj mbetet pa rrymë

Erërat e fuqishme që përfshinë Kosovën sonte kanë shkaktuar dëme në disa vende në Kosovë. Në...