Kronikë

Arrestohet për ryshfet një shtetas i Shqipërisë në Vërmicë

Policia e Kosovës ka arrestuar një shtetas të Shqipërisë pasi kishte tentuar t’u japë ryshfet zyrtarëve policorë në pikën e kalimit kufitar në Vërmicë.

Rasti ka ndodhur të premten në orën 05:55. Derisa Policia njofton se Q.H., i lindur në vitin 1071, gjatë kontrollit, në pasaportën e tij kishte lënë 10 euro.

“Kur është pyetur nga zyrtari kufitar për kartëmonedhë, i njëjti është përgjigjur se i kishte lënë për kafe”, thuhet në njoftimin policor.

I njëjti është dërguar për intervistim nga prokurori kujdestar dhe kartëmonedha i është konfiskuar si dëshmi materiale.

“Pas përfundimit të procedurave personi i dyshuar, me urdhër të prokurorit është dërguar në qendrën e ndalimit, kurse malli së bashku me automjetin është kthyer prapa”, thuhet tutje.