Kastriot Selmani i ka dhënë fund aventurës te skuadra e Dritës. Ai është larguar nga skuadra gjilanase pas tre vitesh. Selmani është përshëndetur me bashkëlojtarët dhe tifozët në ndeshjen e fundit të kampionatit ndaj Feronikelit 74.
“Kastriot Selmani pas tre vitesh përfundon rrugëtimin me ne. Pas përfundimit të kontratës Kacit i është dhënë lamtumira në ndeshjen e fundit me Feronikelin 74 nga bashkëlojtarët dhe tifozët”, ka shkruar Drita të martën në faqen zyrtare.
Selmani dha kontribut të madh për Dritën në fitimin e titullit të kampionit në Superligën e Kosovës në futboll.
25-vjeçari Selmani në 40 ndeshjet e zhvilluara realizoi pesë gola dhe bëri tri asistime.
Ai pjesë e Dritës ishte nga viti 2022 kur u transferua nga Llapi.
