Mesfushori Valmir Matoshi ka shënuar dy gola për Thunin në fitoren 5:1 ndaj Lausannes të enjten mbrëma në xhiron e 24-t të Superligës së Zvicrës.
Matoshi 22-vjeçar realizoi në minutën e 20-të dhe të 21-të për 2:0.
Ai luajti deri në minutën e 61-të, ndërsa një minutë më vonë u largua Kastriot Imeri.
Alban Ajdini luajti te mysafirët nga minuta e 72-të. Thuni është lider me 55 pikë, ndërsa Lusanne ka 29 pikë në vendin e shtatë.
Po të enjten, mbrojtësi i Kosovës, Kreshnik Hajrizi, asistoi në golin për 1:0 në minutën e 41-të, në fitoren 2:0 të Sionit ndaj kampionit në fuqi dhe fituesit të Kupës së Zvicrës, Baselit.
Edhe
Me supergolin e Matoshit, Thuni fiton derbin ndaj Baselit
Hajrizi e kompletoi ndeshjen, kurse Rilind Nivokazi luajti deri në minutën e 76-të. Benjamin Kololli u inkuadrua në minutën e 87-të. Xherdan Shaqiri te Baseli u zëvendësua pas pjesës së parë nga Dion Kacuri.
Sioni i ka 37 pikë në vendin e pestë, dy më pak se Baseli i katërti.
