Mesfushori i Club Brugget, Ardon Jashari, ka refuzuar kalimin te një skuadër e njohur në Premier League.
Sajti “Sempremilan”, ka shkruar të shtunën se prioriteti i Jasharit është të transferohet te Milani. Mësohet se West Ham Unitedi dëshironte t’i siguronte shërbimet e Jasharit. Por Reprezentuesi i Zvicrës në mendje e ka vetëm Milanin.
Ende nuk është arritur ndonjë marrëveshje mes Milanit dhe Brugget.
Ditë më parë, drejtori sportiv i Milanit, Igli Tare, deklaroi se Jashari dëshiron të luaj në “San Siro”. Milani së fundi ka rritur ofertën për Jasharin në 35 milionë euro.
Brugge më herët e refuzoi një ofertë nga Milani për Jasharin.
Nëse transferohet te Milani, Jashari do të nënshkruajë kontratë pesëvjeçare. Paga e tij pritet të jetë 2.8 milionë euro neto.
Ai edicionin e kaluar shkëlqeu me Bruggen. 22-vjeçari Jashari iu bashkua Club Brugget në verën e vitit të kaluar nga Luzerni për 6 milionë euro. Me klubin belg ka kontratë deri në vitin 2029.
