Ka raportime në Belgjikë dhe në Itali se është arritur marrëveshja ndërmjet Club Brugget dhe Milanit për transferimin e Ardon Jasharit.
Drejtuesit e të dyja skuadrave janë takuar sërish të hënën dhe kanë arritur marrëveshje.
Milani do të paguajë 33.5 milionë euro, plus 4.5 milionë bonuse për shërbimet e Reprezentuesit të Zvicrës. Bisedimet mes Brugget dhe Milanit kanë zgjatur për disa javë. 23-vjeçari do të nënshkruajë kontratë pesëvjeçare me “kuqezinjtë”.
Jashari ka kohë që ka arritur marrëveshje personale me klubin që për trajner e ka Massimiliano Allegri.
Mesfushori ka refuzuar disa klube të njohura, si Chelsea e Bayer Leverkuseni. Dëshira e futbollistit të talentuar ishte t’i bashkohet vetëm Milanit.
Ai edicionin e kaluar shkëlqeu te Brugge.