Mbrojtësi Albian Hajdari është paraqitur me kokë të fashuar të hënën në grumbullimin e përfaqësueses së Zvicrës. Hajdari për herë të parë është grumbulluar me Zvicrën A.
Ai ishte në listën e gjerë të Zvicrës për Euro 2024, por ishte larguar nga lista ende pa u grumbulluar.
21-vjeçari lëndoi kokën të dielën në humbjen 2:1 të Luganos nga Young Boysi. Ndonëse kishte një përplasje të rrezikshme kokë më kokë me një lojtar kundërshtar në minutat e parë të takimit, Hajdari luajti deri në fund për Luganon.
“Në pushim më është dashur të bëjë tri-katër qepje sepse plaga ishte e madhe”, ka thënë Hajdari.
Përkundër lëndimit, Hajdari të hënën është grumbulluar me Zvicrën. Në hotelin ku janë vendosur helvetikët është paraqitur me një fashë në ballë.
Edhe
Hajdari: Jetoj në Zvicër, por jam shqiptar i Kosovës
Zvicra ka mungesa të rëndësishme, sidomos në mbrojtje, dhe Hajdari mund ta ketë rastin për debutim. Zvicra të premten luan me Serbinë, ndërsa të hënën e ardhshme me Spanjën.
Te Zvicra janë edhe Granit Xhaka, Andi Zeqiri e Ardon Jashari.
