Arsenali e ka fituar bindshëm derbin e Londrës ndaj Tottenham Hotspurit me rezultatin 4:1.
Me këtë fitore, Arsenali i dha fund ecurisë prej dy barazimeve radhazi në kampionat.
Ndeshja e zhvilluar të dielën mbrëma i takoi xhiros së 27-të të Premier Leagues.
Eberechi Eze i kaloi në epërsi “Topçinjtë” në minutën e 32-të. Dy minuta më pas, Randal Kolo Muani i barazoi shifrat në 1:1.
Viktor Gyokeres e shënoi golin e epërsisë 2:1 në minutën e 47-të.
Anglezi Eze e realizoi edhe golin e tretë në minutën e 61-të. Goli i katërt u shënua sërish nga suedezi Gyokeres në minutën e 94-t.
Kroati Igor Tudor debutoi me humbje në krye të shtabit teknik te Tottenhami.
Edhe
Arsenali “shkatërron” Tottenhamin, shkëputet në tabelë
Tottenhami është në krizë të rezultateve pasi që e shënoi disfatën e tretë radhazi. Ndërsa në total ishte ndeshja e katërt pa fitore në elitë.
Arsenali vazhdon të jetë në pozitën e parë me 61 pikë. Manchester City është në pozitën e dytë me pesë pikë më pak, por e ka edhe një ndeshje më pak të luajtur.
Tottenhami e zë vendin e 16-të me 29 pikë.
