Drenica ka fituar të shtunën me përmbysje të rezultatit ndaj Ferizajt të shtunën në stadiumin “Bajram Aliu” në Skenderaj.
Ndeshja e xhiros së 17-të i takoi “kuqezinjve”, që fituan 2:1 me rikthim të rezultatit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoErion Sadriu shënoi për 1:0 në të mirë të Ferizajt në minutën e tretë.
Por, Drenica e ktheu rezultatin në 2:1. Fillimisht, shifrat u barazuan pas autogolit të mbrojtësit Ardit Topalaj në minutën e 16-të, ndërsa për 2:1 në minutën e 30-të shënoi me kokë Kreshnik Uka.
Nga minuta e 42-të, Ferizaj mbeti me një futbollist më pak në fushë pas përjashtimit të Qlirim Avdullit.
Avdulli u përjashtua nga loja direkt me të kuq, pas rishikimit të situatës në VAR. Gjyqtari Valon Bajgora e vlerësoi Avdullin si futbollistin e fundit që bëri ndërhyrje të palejuar.
Pjesa e dytë nuk dhuroi më gola dhe u mbyll me rezultatin e 45 minutëshit të parë.
Te Drenica debutoi me fitore trajneri kroato-gjerman, Thomas Brdariq, i cili u prezantua të martën. Ai e zuri vendin e trajnerit Bylbyl Sokoli.
“Kuqezinjtë” e shënuan fitoren e parë pas tri disfatave të njëpasnjëshme, ndërsa “bardhekaltrit” e Ferizajt mbeten pa fitore prej 29 tetorit.
Drenica në vendin e tetë ka 20 pikë, aq sa ka edhe Llapi në vendin e shtatë, me një ndeshje më pak të luajtur. Ferizaj mbetet në pozitën e parafundit me 16 pikë.
Mbyllet pjesa e parë në Skenderaj
Drenica e ka mbyllur pjesën e parë ndaj Ferizajt me epërsi 2:1.
Erion Sadriu e kaloi në epërsi Ferizajn në minutën e tretë. Por Ardit Topalaj me autogol i barazoi shifrat fillimisht në 1:1, ndërsa Kreshnik Uka pas gjysmë ore lojë, shënoi për 2:1 në të mirë të Drenicës.
Ferizaj nga minuta e 42-të mbeti me një lojtar më pak pas kartonit të kuq të mbrojtësit të krahut të majtë, Qlirim Avdulli.
Ndeshja i takon xhiros së 17-të të Superligës së Kosovës.
Te Drenica ka debutuar trajneri kroato-gjerman, Thomas Brdariq, i cili u prezantua të martën.
Ferizaj mbetet me një futbollist më pak
Ferizaj ka mbetur me një futbollist më pak në fushë në duelin ndaj Drenicës.
Mbrojtësi i krahut të majtë, Qlirim Avdulli, për shkak të një faulli si futbollisti i fundit, është përjashtuar nga loja direkt me të kuq në minutën e 42-të.
Kështu u vendos nga gjyqtari Valon Bajgora. Ai fillimisht e ndëshkoi atë me karton të verdhë në atë rast. Por, pas rishikimit të situatës në VAR, gjyqtari Bajgora e përjashtoi direkt nga loja.
Drenica kalon në epërsi
Drenica ka arritur që ta përmbys rezultatin në duelin ndaj Ferizajt në shtëpi.
Golin për 2:1 me gjuajtje të saktë me kokë nga zona, e shënoi Kreshnik Uka.
Uka realizoi në minutën e 30-të.
Dy gola të shpejtë në “Bajram Aliu”
Dy gola të shpejtë për 16 minuta janë shënuar në stadiumin “Bajram Aliu” në Skenderaj të shtunën, në kuadër të xhiros së 17-të të Superligës së Kosovës në futboll.
Drenica është duke barazuar me Ferizajn, 1:1.
Erion Sadriu shënoi në minutën e tretë për mysafirët, ndërsa Ardit Topalaj realizoi autogol në minutën e 16-të për 1:1.