Drita ka shkëlqyer të enjten mbrëma në stadiumin “Fadil Vokrri” dhe e përmbysur rezultatin ndaj Audas së Letonisë.
Me fitoren 3:1, Drita ka siguruar plejofin e Ligës së Konferencës ku do të ballafaqohet me Legian e Varshavës.
Ndaj Legias së Varshavës, Drita ishte mposhtur në rrethin e tretë kualifikues të Ligës së Evropës, në edicionin 2020/21.
Besnik Krasniqi shënoi për 1:0 në minutën e 75-të nga penalltia, dhe ia siguroi skuadrës së tij vazhdimet.
Me të nisur pjesa e parë e vazhdimeve dy herë nga 15 minuta, Drita u befasua kur pranoi gol nga Mor Talla.
Edhe
Pas triumfit dramatik, Drita kërkon shkëlqimin edhe në plejof
Mbrojtësi Raddy Ovouka gaboi dhe këtë e shfrytëzoi sulmuesi i skuadrës nga Letonia.
Por në minutën e 102-të, në skenë doli Rron Broja.
Kapiteni i Dritës shënoi me kokë nga afërsia pas asistimit të Blerim Krasniqit.
Me kokë gol të bukur shënoi edhe mesfushori tjetër Albert Dabiqaj, për fitoren 3:1, dhe avancimin tutje me rezultatin e përgjithshëm 3:2.
Drita të enjten mbrëma e pati edhe përkrahjen e fuqishme nga tribunat, nga “Intelektualët”.
Ndeshja e parë do të zhvillohet në Poloni më 22 gusht, ndërsa ajo kthyese pas një jave.
Drita në epërsi në rezultat të përgjithshëm, shënon Dabiqaj
Albert Dabiqaj ka shënuar golin e epërsisë për Dritën në rezultat të përgjithshëm,
Ai realizoi me kokë në minutën e 115-të me asistim të Besnik Krasniqit. Tani Drita është duke fituar me rezultat të përgjithshëm 3:2.
Drita realizon sërish
Kapiteni Rron Broja ka shënuar golin e dytë për Dritën.
Ai realizoi me kokë në minutën e 102-të të ndeshjes kundër Audës së Letonisë, për rezultatin 2:1 në "Fadil Vokrri".
Broja shënoi me asistim të Blerim Krasniqit.
Rezultati aktual i përgjithshëm nga dy ndeshjet është 2:2, pas fitores 1:0 të Audas në takimin e parë.
Drita pranon gol
Edhe
Drita shkëlqen në “Fadil Vokrri”, Ballkani zhgënjen në “Inver Park”
Drita ka pranuar gol që në nisje të vazhdimit të parë.
Raddy Ovouka gaboi në mbrojtje dhe kjo u shfrytëzua nga Mor Talla, që shënoi për 1:1.
Vazhdimet përcaktojnë fituesin në ndeshjen Drita – Auda
Vazhdimet dy herë nga 15 minuta do ta përcaktojnë skuadrën që do të kalojë në plejofin e Ligës së Konferencës.
Ndeshja Drita – Auda pas kohës së rregullt përfundoi 1:0 në të mirë të skuadrës gjilanase.
Për Dritën në minutën e 75-të shënoi Besnik Krasniqi nga penalltia.
Nëse në vazhdime nuk ka gola, fituesi do të përcaktohet në penallti.
Krasniqi shënon nga penalltia
Mbrojtësi Besnik Krasniqi ka qenë i saktë nga penalltia. Ai realizoi në minutën e 75-të për epërsinë 1:0 të Dritës në ndeshjen ndaj Audas.
Penallti për Dritën
Drita ka siguruar penallti në ndeshjen kundër skuadrës nga Letonia, Auda. Drita fitoi penallti në minutën e 72-të.
Drita dominoi, por nuk shënoi gol në pjesën e parë
Drita krijoi disa raste shënimi në pjesën e parë kundër skuadrës nga Letonia, Auda.
Por skuadra e drejtuar nga trajneri shkupjan, Zekirija Ramadani nuk arriti të shënojë gol në pjesën e parë të ndeshjes kthyese të raundit të tretë kualifikues të Ligës së Konferencës.
Edhe
Drita drejt plejofit pas fitores së thellë në San Marino
Ndeshja po luhet në stadiumin “Fadil Vokrri” në Prishtinë.
Javën e kaluar Drita humbi me rezultatin 1:0.
