Pas ecurisë së shtatë ndeshjeve pa fitore, ku Manchester City kishte gjashtë humbje e një barazim, skuadra e drejtuar nga Pep Guardiola është kthyer te fitorja të mërkurën në mbrëmje.
City në ndeshjen e xhiros së 14-të të elitës angleze të futbollit fitoi 3:0 ndaj Nottingham Forestit.
Bernardo Silva dhe Kevin De Bruyne shënuan në pjesën e parë, kurse Jeremy Doku e realizoi golin e vetëm në pjesën e dytë.
City ka mbetur prapa në garën për titull. Aktualisht është në vendin e katërt me 26 pikë, ndërsa Nottingham Foresti ka 22 pikë.
