Komiteti Disiplinor i Federatës Spanjolle të Futbollit ka vendosur të dënojë mbrojtësin e Real Madridit, Antonio Rudiger me gjashtë ndeshje moslojë. Lucas Vazquez është dënuar me dy ndeshje moslojë, ndërsa Jude Bellingham nuk u dënua.
Dënimet janë ndarë për veprimet e lojtarëve në finale të Kupës së Mbretit.
Kartoni i kuq i Bellinghamit është anuluar.
Rudigeri është i lënduar dhe dënimi nuk është se do të ndikojë shumë. Ai pritet të mungojë rreth dy muaj.
Dënimi i Vazquezit është i vlefshëm vetëm për ndeshjet për kupë. Ai do të mungojë në edicionin e ardhshëm, në raundet kualifikuese.
Bellinghami shpëtoi pasi Madridi prezantoi video ku u mohua ajo që ishte shkruar në raportin zyrtar.
