Ashley Young vlerësohet shumë në futbollin anglez, pasi ka bërë 724 paraqitje në nivel klubesh me skuadra si Watford, Aston Villa Manchester United, Inter e Everton, ku është aktualisht.
Për Anglinë ka 39 paraqitje.
Por legjenda e Premier Leagues do ta zhvillojë njërën prej ndeshjeve më të veçanta në karrierën e tij, kur më 11 janar, Evertoni luan kundër skuadrës së kategorisë së tretë të futbollit anglez, Petersborough.
Është ndeshje e fazës së 1/32 në Kupën FA.
Te Petersborough luan i biri i Ashleyt, 18-vjeçari Tyler Young.
Tyler luan si mesfushor, ndërsa në verë , nga të rinjtë e skuadrës QPR u transferua në kategorinë e tretë.
“Është ëndërr e bërë realitet”, ka shkruar Ashley Young në platformën “X”, duke e paralajmëruar ballafaqimin me djalin e tij.
