Zelensky bën thirrje për rritje të presionit ndaj Rusisë pas sulmeve në Odesa

Presidenti ukrainas, Volodymyr Zelensky, pas sulmeve të fundit ruse në qytetin e Odesës, ka përsëritur thirrjet e tij për të ushtruar më shumë presion ndaj Rusisë si mënyrë për të ndaluar sulmet e vazhdueshme në Ukrainë. 

Ai ka shkruar në rrjetin social Telegram se për “50 ditë me radhë, Rusia e ka injoruar propozimin e Shteteve të Bashkuara për armëpushim të plotë dhe të pakushtëzuar”, ka raportuar The Guardian.

“Ishin gjithashtu propozimet tona, që synonin parandalimin e sulmeve ndaj infrastrukturës civile dhe arritjes së armëpushimit në qiell, det, dhe në tokë. Rusia i është përgjigjur gjithë kësaj me sulme të reja”, ka thënë Zelensky.

Sipas njoftimit të guvernatorit të Odesës, Oleh Kiper, mëngjesin e së enjtes dy persona u vranë dhe pesë të tjerë mbetën të plagosur nga një sulm rus me dron në qytet.