bZbulimi i gjashtë planetëve që rrotullohen rreth një ylli të ndritshëm në harmoni të përsosur ritmike, është mrekulli kozmike e rrallë, e ngrirë në kohë, që mund të ndihmojë në shpjegimin se si u krijuan sistemet diellore në të gjithë galaktikën Rruga e Qumështit.
Sistemi kompakt në sinkron i publikuar të mërkurën, është 100 vite dritë larg në konstelacionin Coma Berenices.
“Kjo është rreth 25 herë më larg se sistemi yjor më i afërt me ne”, thotë Dr Greg Brown, oficer i lartë publik i astronomisë në Royal Observatory Greenwich.
“Nëse do të donim të udhëtonim në sistemin më të afërt të yjeve duke përdorur teknologjinë aktuale, do të duheshin rreth 70 mijë vjet. Pra, ne po shikojmë 25 herë më larg se kaq”.
Zbulimi u bë i mundur nga një palë satelitësh gjuetie planetësh, duke përfshirë Tess-in e NASA-s.
Edhe
A e dini se ka më shumë yje në hapësirë sesa kokrra rëre në të gjithë botën
Ekipi i gjerë ndërkombëtar hulumtues e përshkruan sistemin yjor si një “fosil të rrallë” që është në thelb i pandryshuar nga krijimi e tij më shumë se 4 miliardë vjet më parë.
Ky yll, i caktuar si HD 110067, mund të ketë edhe më shumë planetë.
Gjashtë gjetjet deri më tani janë afërsisht dy deri në tre herë më të mëdha se Toka, por me dendësi më afër gjigantëve të gazit në sistemin tonë diellor.
Orbitat e tyre variojnë nga nëntë deri në 54 ditë, duke i vendosur ato më afër yllit të tyre sesa Venera me diellin dhe duke i bërë ata jashtëzakonisht të nxehtë.
Edhe
Superhëna e nëntorit është afër
Si planetë gazi, ata besohet se kanë bërthama të ngurta të bëra prej shkëmbi, metali ose akulli, të mbështjellë nga shtresa të trasha hidrogjeni, sipas shkencëtarëve.
Më shumë vëzhgime nevojiten për të përcaktuar se çfarë gjendet në atmosferën e tyre.
