Kuvajti i vogël dhe i pasur me naftë ka vendosur të aplikojë reduktime të energjisë elektrike në disa lagje të banuara, pavarësisht temperaturave të larta të verës në këtë vend në Lindje të Mesme, raporton agjencia "AP".
Agjencia shtetërore e lajmeve e Kuvajtit, “KUNA”, ka fajësuar “pengesat në furnizim me karburant” për reduktimet. Këto ndërprerje me furnizime kanë goditur disa termocentrale.
Temperaturat në Kuvajt të dielën kanë arritur deri 43 gradë Celsius. Meteorologët paralajmëruan se mund të ndihet sikur të jetë 53 gradë, ku po ashtu cilësia e ajrit nuk është fare e mirë.
