-
Përktheu:
Flutura Gashi-Mehmeti
- 3 qershor 2024 14:25
- Shpërndaje në:
Një qytetar i huaj është arrestuar të hënën në kryeqytetin e Rumanisë, Bukuresht, pasi dyshohet se ka sulmuar me koktej molotovi hyrjen e ndërtesës së Ambasadës së Izraelit.
Policia ka bërë të ditur se sulmi ka shkaktuar një zjarr të vogël por jo pasoja në njerëz, raporton AP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoI dyshuari 34-vjeçar është kapur nga oficerët antiterrorizmit të Shërbimit Inteligjent të Rumanisë, para se policia të arrinte në vendngjarje, ka bërë të ditur policia në Bukuresht.
Sipas policisë, i dyshuari ka provuar po ashtu që t’ia vë flakën vetes.
Mediat lokale kanë raportuar se i dyshuari ishte me kombësi siriane.
Një zëdhënës i policisë i ka thënë kanalit lokal të lajmeve Digi24 se incidenti ishte i motivuar nga ankesat personale dhe jo nga konteksti ndërkombëtar i luftës së vazhdueshme të Izraelit në Rripin e Gazës.
Edhe Ambasada e Izraelit e ka konfirmuar incidentin përmes një deklarate, ku thuhet se kur zyrtarët e sigurisë e kishin kapur të dyshuarin “ai e kishte marrë koktejin e molotovit dhe e kishte hedhur në drejtim të derës së ndërtesës”.
Ambasada ka falënderuar sigurimin rumun dhe forcat e policisë për “përgjigje të shpejtë”.