-
Përktheu:
Flutura Gashi-Mehmeti
- 28 gusht 2024 14:12
- Shpërndaje në:
Qeveria e Sllovakisë ka miratuar të mërkurën planet për të blerë gjashtë sisteme të lëvizshme të mbrojtjes ajrore nga Izraeli, në vlerë prej 554.3 milionë eurosh.
Në faqen e saj të internetit, qeveria ka bërë të ditur se si shtet anëtar i NATO-s, Sllovakia po forcon mbrojtjen e hapësirës së saj ajrore, raporton Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoQeveria miratoi gjithashtu blerjen e më shumë se 1,300 automjeteve të terrenit, në një blerje të përbashkët me Republikën Çeke, me një kosto prej 708.3 milionë euro, të cilat do të zëvendësojnë kamionët e vjetruar.
Sllovakia, fqinji i së cilës Ukraina po lufton pushtimin rus që nga shkurti i vitit 2022, ka kërkuar të rrisë aftësitë e mbrojtjes ajrore.
Ajo ka qenë pjesë e përpjekjeve të NATO-s për të forcuar krahun lindor të aleancës ushtarake. Ministri i Mbrojtjes, Robert Kalinak ka thënë se përparësitë duhet të jenë në aftësitë e mbrojtjes, veçanërisht në mbrojtjen ajrore.
Muajin e kaluar, asaj iu dorëzuan dy avionët e parë F-16, nga 14 avionët e rinj luftarakë sa po planifikohet t’i marrë.
Sllovakia operon sistemin me rreze të mesme 2K12 KUB, i cili ishte në fund të ciklit të tij jetësor, ka bërë të ditur ministria e Mbrojtjes në një dokument të publikuar të mërkurën.
Nën një qeveri të mëparshme, Sllovakia i dhuroi Ukrainës sistemin e vjetër të mbrojtjes ajrore S-300, një vendim i kritikuar nga administrata aktuale për uljen e aftësive të mbrojtjes ajrore të vendit.