Deputeti Simon Harris është zgjedhur kryeministër i ri i Irlandës nëpërmjet një votimi në Parlament të martën, duke u bërë kështu lideri më i ri në histori të vendit. Harris 37-vjeçar do të marrë postin nga Leo Varadkar, që befasoi me dorëheqjen muajin e kaluar. Harris do ta drejtojë koalicionin qeverisë prej tri partive.
Harris kishte qenë ministër i Arsimit në qeverinë e Varadkarit. Ai ishte kandidati i vetëm për ta zëvendësur atë në krye të partisë së qendrës së djathtë “Fine Gael”.
Deputetët në Dail, dhomën e ulët të Parlamentit të Irlandës, konfirmuan Harrisin si kryeministër me 88 vota pro. 69 ishin kundër.
Ai mori formalisht postin nga presidenti Michael D. Higgins në një ceremoni në pallatin presidencial në Dublin.
Artikuj të ngjashëm
-
Kryeministri irlandez, Leo Varadkar lajmëron dorëheqjen
-
Kryeministri më i ri në historinë holandeze merr betimin nga mbreti
-
Trumpi përgatitet për emërimet e posteve kryesore, Harrisi zotohet ta ndihmojë tranzicionin
-
Harris merr mbështetje të madhe nga demokratët për të kandiduar për presidente
-
Starmer kryeson takimin e parë të kabinetit qeverisës si kryeministër i Britanisë