SHBA-ja, Britania e Madhe dhe Australia kanë zbuluar detaje të planit të tyre për të krijuar një flotë të re nëndetësesh me energji bërthamore, që synon të kundërshtojë ndikimin e Kinës në rajonin Indo-Paqësor.
Sipas Paktit Aukus, Australia do të marrë nëndetëset e saj të para me energji bërthamore - të paktën tri sosh – nga Shtetet e Bashkuara.
Aleatët do të punojnë gjithashtu për të krijuar një flotë të re duke përdorur teknologjinë më të avancuar, duke përfshirë reaktorët “Rolls-Royce” të prodhuar në Mbretërinë e Bashkuar.
Pekini ka kritikuar ashpër marrëveshjen e rëndësishme detare. Ministria e saj e Jashtme akuzoi të martën tri shtetet se "ecin gjithnjë e më tej në rrugën e gabimit dhe rrezikut".
Misioni i Kinës në OKB kishte akuzuar më herët gjithashtu aleatët perëndimorë për frenim të përpjekjeve për mospërhapjen e armëve bërthamore.
Por presidenti amerikan, Joe Biden, tha se marrëveshja kishte për qëllim forcimin e paqes në rajon dhe theksoi se nëndetëset do të jenë "me energji bërthamore, jo të armatosura me armë bërthamore".
-
SHBA-ja dhe Arabia Saudite nënshkruajnë marrëveshje historike nukleare
-
AP: Trumpi miraton marrëveshjen bërthamore që mund t'i lejojë Arabisë Saudite të pasurojë uranium
-
SHBA-ja e Australia synojnë fitoren e dytë
-
SHBA-ja dhe aleatët e NATO-s do të kryejnë stërvitje në Detin Baltik
-
Putin dhe Xi kritikojnë “Kupolën e Artë” të Trumpit