Rusia dhe Kina kanë vënë veton ndaj një draftrezolute të vendeve të Gjirit në Këshillin e Sigurimit të OKB-së, që inkurajonte fuqimisht përpjekjet mbrojtëse dhe të koordinuara për të siguruar Ngushticën e Hormuzit.
Njëmbëdhjetë vende votuan pro dhe dy anëtarë të këshillit abstenuan (Pakistani dhe Kolumbia).
Pas javësh negociatash, drafti u zbut nga fillimi nën Kapitullin VII (autorizimi i forcës ushtarake) në heqjen e Kapitullit VII, por në "autorizimi i shteteve për të përdorur të gjitha mjetet e nevojshme mbrojtëse", duke inkurajuar fuqimisht përpjekjet mbrojtëse.
Ministri i Jashtëm i Bahreinit, Dr. Abdullatif bin Rashid Al Zayani, kryesoi takimin.
Duke folur para votimit, ai u ka thënë anëtarëve të këshillit se drafti nuk krijonte një realitet të ri, por ishte një përgjigje serioze ndaj një modeli të sjelljes armiqësore të përsëritur të Iranit që duhet të ndalet.
Edhe
SHBA-ja dhe Kina janë dakorduar për kundërshtimin e taksave në Hormuz
Ai ka thënë se dështimi i Këshillit të Sigurimit për t'iu përgjigjur përdorimit të rrugës ujore jetësore si mjet ndikimi, do të kishte pasoja të rënda për botën dhe mund të përsëritej në ngushtica dhe rrugë ujore të tjera, duke e transformuar botën në një xhungël.
BBC-ja ka raportuar se Kina është ndër vendet që ka mundur të vazhdojë të përdorë Ngushticën, ndërsa Rusia mund të përfitojë nga lehtësimi i sanksioneve mbi naftën në përgjigje të mbylljes.
