Qyteti evropian propozohet për takimin Putin-Zelensky

Zvicra është ndër shtetet potenciale e cila mund t’i mirëpresë presidentët e Rusisë dhe Ukrainës për bisedime.

Fillimisht erdhi si propozim i presidentit francez, Emmanuel Macron, i cili tha se bisedimet mes dy liderëve duhet të mbahen në  një vend neutral, duke propozuar konkretisht qytetin e Gjenevës.

Zvicra është e etur të organizojë një ngjarje të tillë për shumë arsye, për t'ia kujtuar botës rëndësinë e Gjenevës në një kohë kur financat kanë rënë ndjeshëm për agjencitë e Organizatës së Kombeve të Bashkuara me seli atje, dhe, ndoshta, edhe për t'ia sinjalizuar qëllimet e saj të mira presidentit Trump, me shpresën për të marrë një marrëveshje më të mirë sesa tarifat tronditëse prej 39% që ai i vendosi së fundmi për produktet zvicerane.

Por përkundër asaj që do Zvicra, vendimi përfundimtar u takon fuqive të mëdha.

Putini në veçanti mendohet të jetë më hezitues të vijë në Evropën Perëndimore për bisedime, duke preferuar ndoshta Turqinë ose Emiratet e Bashkuara Arabe.

Në anën tjetër Zvicra ka thënë se është gati të presë një takim midis Vladimir Putinit dhe Volodymyr Zelenskyt.

Ministri i Jashtëm zviceran, Ignazio Cassis, ka mirëpritur propozimin e Macronit që takimi të mbahet në Gjenevë dhe thotë se Zvicra është mirënjohëse për besimin e dhënë ndaj tij.

Edhe Botë 19 gus 2025 Zvicra e gatshme të presë takimin Putin-Zelensky, presidenti rus nuk preferon Evropën

Por ka pyetje rreth një takimi të tillë.

Zvicra ka ratifikuar Traktatin e Romës që krijon Gjykatën Ndërkombëtare Penale (GJNP), dhe meqenëse Putin tani është paditur nga GJNP-ja për akuza për krime lufte, do të ishte e detyruar ta arrestonte nëse ai mbërrin në tokën zvicerane.

Sot Cassis ka thënë se ka vend për fleksibilitet, duke u thënë mediave zvicerane: “Ne mund ta bëjmë këtë pavarësisht urdhër-arrestit kundër Putinit”.