Një person ka vdekur më 24 tetor në Mjekimin Intensiv, si pasojë e plagëve të marra në një aksident trafiku që kishte ndodhur më 4 tetor në rrugën “Nëna Terezë” në Fushë-Kosovë.
Sipas raportit të Policisë, viktima ishte duke u trajtuar për plagët e pësuara në aksident, por nuk ka arritur t’u mbijetojë atyre.
Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Rasti është iniciuar si aksident trafiku me fatalitet.