Një person ka humbur jetën si pasojë e një aksidenti të rëndë trafiku që ka ndodhur të dielën në rrugën tranzit në Suharekë.
Sipas Policisë së Kosovës, aksidenti ka ndodhur rreth orës 16:20, ku një vozitës dyshohet se nga pakujdesia ka shkaktuar vetaksident me veturë.
Si pasojë e aksidentit, tre pasagjere kanë pësuar lëndime dhe janë dërguar për tretman mjekësor.
Vozitësi nuk ka arritur t’u mbijetojë plagëve të marra dhe ka vdekur.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore (IML) për obduksion.
Rasti është duke u hetuar nga autoritetet kompetente.