Ministri i Jashtëm i Qipros ka thënë të martën se ofensiva e Izraelit në qytetin jugor të Gazës, Rafah, po shkakton “pasoja të pakthyeshme dhe katastrofike”.
“Qiproja shpreh keqardhje të fortë për sulmet ajrore të fundit që shkaktuan vdekje të kaq shumë civilëve të pafajshëm, përfshirë fëmijë”, ka thënë ai.
Në një konferencë të përbashkët shtypi me homologun e tij egjiptian në Kajro, Constantinos Kombos ka bërë thirrje po ashtu për ndaljen e sulmeve izraelite në Rafah, raporton “Associated Press”.
“Ka nevojë urgjente për armëpushim të menjëhershëm dhe lirimin e pengjeve. Kjo është e domosdoshme”, është shprehur Kombos.
