Puigdemont flet për herë të parë pas arrestimit në Gjermani

Ish-lideri i Katalonjës, Carles Puigdemont u ka bërë thirrje mbështetësve të tij të vazhdojnë rrugëtimin derisa ai është duke u përballur me ekstradim nga Gjermania, për shkak të rolit të tij në referendumin e Katalonjës për pavarësi.

I kërkuar në Spanjë për kryengritje dhe rebelim, Puigdemont ka folur për herë të parë prej kur është ndaluar përmes një fletë-arresti evropian, transmeton rel.

Ai u ka thënë mbështetësve të tij se Spanja është duke vepruar në mënyrë “autoritare”.

Përkrahësit e idesë për pavarësi kanë marshuar në Berlin duke kërkuar lirimin e tij.

Gjyqtarët kanë 60 ditë për të konsideruar kërkesën për ekstradim.

Edhe Botë 25 kor 2018 Piugdemonti vazhdon betejën për pavarësi të Katalunjës

Puigdemont ka folur përmes një audio-mesazhi të incizuar nga politikani i së majtës, Diether Dehm, i cili e ka vizituar në burgun në qytetin Neumünster.

“Përmes këtij mesazhi dua të them se ne duhet të vazhdojmë, duhet ta vazhdojmë rrugën tonë, të mbrojmë të drejtat tona, të drejta që janë njohur nga Kombet e Bashkuara përmes së cilave ne kemi të drejtë të vendosim për të ardhmen tonë”, ka thënë ai.