Prokurorët belgë hetojnë korrupsionin në Parlamentin Evropian, disa të arrestuar

Prokurorët belgë kanë thënë të enjten se disa individë janë arrestuar për t'u marrë në pyetje në lidhje me përfshirjen e tyre të dyshuar në korrupsion aktiv brenda Parlamentit Evropian.

Prokurorët kanë thënë se 21 kontrolle janë kryer nga Policia Federale në rajonin e Brukselit, si dhe në Flanders, Wallonia dhe Portugali, raporton Reuters.

Prokurorët nuk kanë zbuluar emrat dhe funksionet e personave të përfshirë dhe nuk ishin të disponueshëm për komente të mëtejshme.

Korrupsioni, falsifikimi dhe përdorimi i dokumenteve false besohet se kanë ndodhur rregullisht dhe  në mënyrë "shumë diskrete" nga viti 2021 deri më sot, kanë thënë prokurorët.

"Kjo ka ndodhur nën maskën e lobimit komercial dhe duke përfituar në mënyra të ndryshme, të tilla si shpërblimi për marrjen e posteve politike apo dhuratat e tepërta si ushqimi dhe shpenzimet e udhëtimit apo ftesa të rregullta për ndeshje futbolli", kanë njoftuar ata.

Prokurorët kanë thënë se janë sekuestruar disa dokumente dhe pajisje objekte, me qëllim zbulimin e çdo prove për pastrim parash.