Takimi Putin-Zelensky po organizohet, thotë Shtëpia e Bardhë

Planet për një takim dypalësh midis presidentit rus, Vladimir Putin dhe presidentit ukrainas, Volodymyr Zelensky tani janë "në proces", me "shumë opsione" që po diskutohen, ka thwnw të martën Sekretarja e Shtypit e Shtëpisë së Bardhë, Karoline Leavitt.

Ajo ka refuzuar vazhdimisht të përgjigjet pyetjeve në lidhje me vendet specifike, raporton CNN.

"Të dy udhëheqësit kanë shprehur gatishmërinë për t'u ulur me njëri-tjetrin, dhe kështu ekipi ynë i sigurisë kombëtare do t'i ndihmojë të dy vendet ta bëjnë këtë", u ka thwnw Leavitt gazetarëve në konferencën e Shtëpisë së Bardhë.

E pyetur nga gazetarwt se si planet ndryshua, nga një takim i mundshëm trepalësh në një takim të parë dypalësh, Leavitt ka thwnw se "ishte një ide që evoluoi gjatë bisedave të Trumpit me presidentin Putin, presidentin Zelensky dhe udhëheqësit evropianë", të cilët, tha ajo, "të gjithë pajtohen se ky është një hap i parë i shkëlqyer".

Trumpi, ka shtuar ajo, është "dakord" me idenë e një takimi dypalësh pa praninë e SHBA-së.

“Në fund të fundit, presidenti gjithmonë ka thënë se ka fusha mosmarrëveshjesh në këtë luftë që do të duhet të diskutohen dhe të vendosen nga këto dy vende. Dhe kështu, ai dëshiron që këto dy vende të angazhohen në diplomaci të drejtpërdrejtë”, wshtw shprehur Leavitt.